狗仔與驢仔

今日在公司繼續超多野做, 想死, 不過收到份小禮物, 是我們的designer去完英國旅行的手信, 感覺好好, 因為同janet其實都只係同事,私底下唔算好熟, 但佢都送份禮物比我同女朋友, 好開心因為有人記得你.

今日在公司大家都繼續做回自己的角色, 我繼續走上走落未停過, 發夢王繼續發夢, 今日重使出蝦蟆功, 第一次親眼見識...無言, 一個原本5秒可以行完的轉角位, 佢的神功可以蝦蟆到半個鐘都未過到來...強!! 好同意陶杰的一番話, 公司內有唔同的角色, 有驢仔不停做, 有狗仔識搖尾乞憐, 狗仔永遠做唔到驢仔的野, 驢仔也永遠做唔到狗仔的野, 要驢仔去扮狗仔只會令主人討厭, 狗仔也不能扮驢仔而得到主人歡心, 今日在公司見識到啦!!

晚上因為一些問題而變得心情不好, 算吧!不講是什麼事始終是私人的事.