31/12/2006 至 1/1/2007

唔知係咪呢2日假期比較多人上網, 搞到好難都log-in唔到, 去個blog又無問題wor, 激死, 先講下06年最後一日.

12月31日,06年最後一日, 一早去左北角聚會, 個個都問我結婚的野...都唔明點解佢地消息咁靈通, 都係我的宮方答案"...現階段無野發表". 下晝去了沙田與agnes的家人食飯, 太多人要認識, 對我呢個記憶力奇差的人來說, 實在一點吃不消, 差點腦汁都用盡. 點都估唔到當日最後的一個鐘係咁多野做, 先要把1月1日去會眾旅行要用的爐、用具等...過落朱弟兄架車度, 跟著又要趕去地?站完成個交收(比個seller激死, 改了幾次時間, 差點以為要過度06至可以完成個交收)都怪現代人通訊太方便之故.

1月1日, 一早去買水, 3支5公升礦泉水...好一個數學加智力遊戲,兩隻手點分配呢? 算!我有的是力...至少一早起身力都好d...雖然我之前個日好忙同好夜先訓(都怪自己衰,係都要睇完側田廣州演唱會至訓), 當日早上去在大尾督玩, 有人玩單車, 我同楊弟兄去左釣魚...hmmmm嚴格來說係餵魚..., 下晝一行接近80人去左新娘潭食野, 有研究班野餐, 燒烤, 我地就食火鍋, 好味, 食左好多肥牛...四點半左右就回程返屋企, 晚上同女朋友出了尖沙咀顯卓...又一次証明我要減肚腩...