一向很小聽女歌手的歌, 但Portishead係唯一一個例外, Portishead玩的音樂係Trip Hop, 其實是進化了的Hip Hop, Portishead的音樂是很有電影感, 而且很有逼力, 1994年推出第一張大碟Dummy時, 不足一日已經全香港無貨, 很幸運能擁有這一張碟, 確實是一張很精彩的專輯, 事實上我自己的Project NBLM 名字的由來便是來自Sour Time這一隻歌, 至於 NBLM 係咩意思, 只要聽下 Sour Time便會找到答案.
今日放工後返了屋企附近等呀奇, 拿我今個星期的貨品, 之後同Agnes去了西灣河的大壽司-和食度食日本野, 今次是第二次來, d野食都幾大份, 而且價錢算合理, 剌身幾新鮮, 今日在大壽司-和食影了幾張食物相, upload左上來... 你就知d壽司有幾大份, 三文魚壽司有拖尾, 勁正, 特別要提甜蝦大隻都好似成隻手指咁大隻, 而且超甜...無得頂, 可能我同Agnes都好鍾意食甜蝦, 至於鰻魚手捲大到好似杯雪糕杯咁大, 好彩事前知d野有咁大份, 唔係一定叫到要打包, 老實講眼見四周有些新到的人真係叫得太多而要打包, 特別一提是那杯野飲, 味道一般但係份量真係可以比美出面的茶餐廳兩三杯野飲的份量, 對我這個很喜歡飲野的人來說, 一杯22安士的飲品算是一個很滿足的份量. 
05年在長洲影相的時候, 在其中一條街的後巷找到一個很藍的後巷, 相片經photoshop加了色的, 但實際比photoshop整出來更藍, 只是當時的snapshot不能表現出當時的環境, 但當時的藍確實吸引了我.
星期一請了日病假, 本來打算可以好好休息下, 點知...差點忘記keytech的工作, 所以一早便拿了相機去了九龍公園開工, 感覺是很怪的, 同樣是出尖沙咀站, 只是方向不同...老實講都幾唔好意思...剛請完病假..但又做其他的工作....
如果大家還記得星期日心情是不好, 記得睇過一本書講, 心情不好做一些自己喜歡做的事, 吃一些自己喜歡的食物, 著一些自己喜歡的衫, 所以星期一做了很多很久沒有做的事, 一早吃了一個最近不敢食的早餐...五香肉丁(因為影相怕有暗瘡), 戴了頂cap帽, 著了自己很喜歡的牛仔褲...其實還在eBay買了一隻錶 (...SORRY AGNES, 我知將有排比你哦...又買野), 不過由於還在美國所以不能立即戴上, 否則可能更好, 本書講得對, 果然有效心情開始好過來...當然也因為在九龍公園影相後坐了差不多一小時, 沉思了很多事而且想通了.
昨天回到公司, 又開始忙碌的一日, 不過可能開始起感冒...TM下午請了病假, 辛苦她啦, 她真的好病...肯定病得嚴重過我...雖然我都唔係好佢好多...平時我在公司無論咩天氣都係一件tee shirt搞掂, 但係昨日覺得好凍...要全日也著sweater, 差不多還有十分鐘至收工, 我已經頂唔順同Wayne講走先, 理由是NOT GOOD.
今日可能昨晚休息得好, 已經好得七七八八, TM繼續病假, 今日差不多一半以上時間在處理RHONDA ROOM的事.....中間發夢王發生件事...都幾搞笑, 唔想講咩事啦. 明天是我OFF但將會是很忙的一日, 有演講, 有示範....明天再講吧!
曾經講過心情不好KORN,LIMP BIZKIT, SLIPKNOT會是自己的首選, 今日會是用SLIPKNOT的DUALITY來發洩自己的怪怪情緒. SLIPKNOT一行9人的METAL BAND, 9人也戴上面具, 預示人的DIRTY面目, 一般人把他隱藏, 他們把他公開, 當人的真面目被發現時其實同SLIPKNOT的面具一樣DIRTY...都幾行為藝術, 不過我BUY因為見到太多人的假面具, 希望自己不會是這一種人.
這幾日都是忙碌中度過, 星期五差不多全日在SHOWROOM趕工, 星期六上午出傳道, 晚上在羅浮宮睇相, 不敢相信兩日內便能睇相, 羅浮宮的速度令我有點驚訝! 其實睇相過程沒一般人所說的恐怖, 至少無10張10張咁睇, 無在你面前CUT你唔要的相, 但係價錢確實有點過份, 老實講佢地真係好過搶.
好辛苦才選好20張PACKAGE的相及8張COUPON的相, 之後個SALE屎才拿出特別效果(什麼SOFT鏡,電影FEEL,B沖C,黑白)的相出來, 原來要特效的相是每張都要額外比錢($230一張)如加入ALBUM每張要件$490(至少要兩頁)...開始明白點解有人用最平的PLAN影相,埋單要2萬幾...我同AGNES都算一致, 只是多選4張(個SALE屎當中當然不段向AGNES,媽咪,呀妹勁落咀頭.).
比佢煩到爆之後又來講ALBUM內的相需不需要加任何保護, 原來他們的ALBUM內的相是沒有保護面, 咁咪好容易有MO, 潮濕會貼實...(頂!在婚紗展內又講到有幾咁好...SALE屎) 好啦, 實際摸個質感的確好易殘, 咁問佢最平加磨沙面要幾多? $180一張磨沙面, 我真係想爆粗, 咁計下計下都幾容.
SALE屎見我們有點15/16, 又立即同我們講另一個PLAN, 就是把我們8張COUPON的相及4張特效相加落我們的ALBUM而且所有相都加磨沙面, 油畫比個好D的相架, 再比多6張2R相我們$6XXX, 唉已經比佢疲勞轟炸一侖, 反正差不多, 就這樣...計一計我們的結婚相埋單要1XXXX...過好是PLAN的一個DOUBLE有多....確實好過去搶!! 心想呢個價錢夠我在香港買隻PHILIP STEIN TESLAR(我的DREAM WATCH), 埋單有點肉赤, 離開放血地方已經10:00有多.
昨晚因為一些事令自己心情不佳, 太多鎖碎的事加在一起, 是什麼事已經不願多提...太多啦, 點都好心情總是不知怎樣, 要講又講不出我心裡所想, 又不是什麼大事, 只是不開心的感覺, 好怪的感覺...
