US3 - Cantaloop

US3一首經典ACID JAZZ作品, 最近某樓宇廣告便是以CANTALOOP作為THEME SONG, 除了証明RAP已經不再只是街頭音樂, 而是有更多的可能性.

超級火警鐘

在一長沙灣的舊樓內拍到的, 主要用途是當各層的火警鐘響起時能讓管理員知道在那裡響起警鐘, 但是有趣的是, 那舊樓是沒有管理員...而且不知還是否WORK, 可能已經是大廈特色/裝飾的一部分.

從未如此的累...

先講昨日, 本來已經拿了半日假打算好好的休息, 預備今日去影結婚相, 點知...唉, 馬老闆看來不記得我的半天假, 他在十一點突然跟我講, 星期五下午有很重要的客人來開會, 所以要把SHOWROOM整靚佢...出事, SHOWROOM已經至少半年無整理過, 只可以話是亂到爆, 真的好亂...唔係講笑, 他說星期五前要完成, 咁我星期四要影結婚相, 即是話一定要在當日完成, 本來在我的時間表內星期五是CALL我的助手CRIST回來一同整理, 誰知昨日要一個人完成整個SHOWROOM, 結果我的半天假就自動取消, 收工回家已經累到不能再打BLOG, 一定要休息, 唔係明天肯定倦意非常地影相.

今日是影相的大日子, 老實講真係好累, 可能昨天真係太多野做......今日七點半已經起身準備拍照的事宜, 九點半到羅浮官影城, AGNES化妝, 我選兩套拍照的西裝, 結果一直到12:30才開始影相, 今日天氣大好, 女朋友一直擔心今日會下雨, 好彩今日天氣出奇的好, 還有太陽呀, 總算令AGNES放下心頭大石, 影相過程不講啦, 都係不停的笑, 由早上影相事心情大好, 到影到最後接近無電的笑容及眼神, ANYWAY羅浮官的服務確實不錯, 雖然差不多所有野都要加錢, BUT SERVICE真的很好, 例如最初AGNES的妝化得有點成熟, 不太襯她, 攝影師影了幾張後也認為不是太好, 化妝的員工立即替好重新化過, 重新化妝後好好多, 之後一直沒有出現吹人影快D的感覺, 而且途中我們休息了一個鐘, 他們也沒有半點說話, 算係咁, 最後離開羅浮宮已經是晚上8:30, 接近12個鐘頭...老實講辛苦過返工, 有點擔心1027會怎樣...

System of A Down - Aerial

System of A Down 係一隊我好鍾意的band, 好有態度, 好有自己的style, 音樂算是metal rock, 但有很強烈中東音樂原素, 歌曲風格都幾行幾激, Aerial算是沒有這麼急激的作品, 而且無論MV及歌曲也很有意思.

玩具店

小時候好喜歡留連玩具店, 大個都一樣好喜歡睇玩具, 自己好喜歡去一些細小的玩具店"尋寶"經常也找到一些很舊的玩具, 而且價錢不貴, 拍照當日是在新界某屋村的一角發現這一街頭玩具店, 被它的顏色所吸引, 拍下它, 唯可惜當日只是路過無時間仔細看看...希望無走寶啦.

電一電成個醒晒!

今日早上返到公司, 自己的部門只有三個人, 今日竟然一個請假, 一個睇醫生下午返, 唉!!想嚇死我咩... 一個人趕daily要走的sample, 早上還有一班人在無預約的情況下來開會, 都唔知點解通常一個人係特別多事發生...好在下午靚媽返左來, 都定d, 不過今日就真係超多野做, 收工已經累透!!

講返昨日, 唔知什麼原因, 可能是因為婚禮的事, 成日都好似食左火藥咁, 勁燥... 好在無咩"大意外"發生, 只有些"小事", 算啦過去左啦, 晚上到了銀姐的家中為wedding photos的原故做facial, 她用她的美容用具"微電"(大約用途是刺激微斯血管,增加新陳代謝...咁啦)做facial, 而部機的另一用途是放鬆肌肉(在外國是用這部微電機來幫運動員放鬆d肌肉), facial後銀姐見我的肌肉拉得好緊, 就幫我用部機, 電下我放鬆, 嘩電完之後真係好爽, d肌肉好似reset左一樣, 個人當堂唔燥, 好多謝銀姐的額外幫助=), 返到家中同媽媽講返部機的功能有幾好, 佢的答覆真係令我"O"晒嘴"...咁好, 買部返來用啦", 我答"...部機再加d用具要成十幾萬bor"...根著就到佢"O"晒嘴啦.

The Verve - Lucky Man (U.K.Version)

The Verve - Lucky Man 一隻好好聽及好有意思的歌, 可惜The Verve已經解散, 佢地隻碟"URBAN HYMNS"內有很多佳作, 例如 Bitter Sweet Symphony, The Drugs Don't Work, Lucky Man, One Day等.

木門上的鎖

同我爸爸一樣都對鎖有一點情意結, 不同的係, 佢收藏了很多真實的鎖, 我喜歡把它攝在我的相片上, 其實自己差不多影了20至30張同鎖有關的相片, 而這一張相於04年展覽時已經在網頁上發放, 不過一直只是mainpage的wallpaper, 而且是放在flash內, 所以大家可能睇唔真張相.

back to eBay 2007

星期日跟以往一樣的安排, 早上傳道下午聚會, 只是由今日開始改變3:30開始, 提前1個鐘...所以聚會後多左時間用, 晚上飯後開始emugo的工作, 自己放emugo的聖誕新年假今日終於要結束, 明早又要6點左右起身開始放野上eBay, 咁凍的天氣確實也點擔心會否不願起身.

今日多了點時間隨影了幾張我的變形金剛






開始向第二格櫃推進




希望我的200個珍藏可以過度1027啦 ...-__-!

Blur - Tender

Tender是英國樂隊Blur一隻很成功的作品, 據說是在主音剛失戀時所寫, 一隻曾令我及很多人感動的作品, 美國的電台經常拿Tender去記念911的死難者, 可能失去永遠是最美麗, Blur是第一隊令我聽他們的作品及買他們的唱片的樂隊, Blur是使我在聽音樂方面擴大了的鑰匙

04年的 dot dot dot

這是04年於土瓜灣的一個深夜所拍的snapshot, 當時環境令我停步, 因那氣氛吸引我拿起相機拍了幾張snapshot, 當年nike也是以圓點來賣他們的廣告排位很像這一張相...但係我是早過他們影的...算啦我知無人信, anyway這是我這3年內所拍的其中一張至愛.

睇比試更累=)

今日12點左右同agnes去了羅浮宮度試婚紗, 一來職員便給了至少5本婚紗album, 5本晚裝album我們去選試的婚紗及晚裝各5套, 可以用眼花來形容, 好不容易找到5套要試的婚紗及晚裝, 職員以閃電手幫Agnes換婚紗, 前後試左6套婚紗之後再選其中2套來作婚紗照的衫, 婚紗出來的效果很好, 我同agnes都好滿意, 唯一是晚裝無咩款, 雖然都有成5本album, 但無咩合眼...最後agnes選了一套粉粉紫紫的, 都ok的, 希望快d到星期四影我同agnes的結婚相, 呢幾日都會忙於準備及休息.

去完羅浮宮返到屋企已經差不多3點半, 才吃我的午餐, 跟普去了剪頭髮, 其實只是修修頭髮, 等影相會整齊一點, 之後返到屋企準備守望台, 晚上到了APM食飯, 今日確實無停過, 但係就好開心.