落下的枯樹
這一張相是在米奇老鼠個樂園的其中一個角落度影, 一個表面歡樂的樂園其實也有灰色的一面, 至少我見到.
13.1.07
香港人好八卦
先講回昨日的經歷, 本來想昨晚便打日記, 但實在太忙...要到今晚才有時間補回, anyway昨天由於是我的day off所以一早便去了傳道, 下午一回家, 好快咁食左個lunch, 便趕去九龍公園開始keytech的第一份job, 由於要找一個較好的shot結果影左差不多一個鐘...試諗下一個人在同一個地方, 不停咁影一個地方, 途人會有什麼眼光, 可能覺得我是怪人, but老實講已經見怪不怪, 我影左咁耐結婚相, 更怪異眼光都試過, 所以都係當途人透明.
不過一個奇怪呀叔就真係令我一點不是味兒, 我影什麼shot佢在後面跟我影同樣的shot....死未! 有時他還會走在我前面...老友我是攝影不是記者...唔使咁....跟著又來一個管理員, 問我在做什麼, 當然是影相唔通燒野食咩, 我問有什麼問題, 結果佢的答覆令我有一點想死的感覺, "....哦!影相當然不是問題啦, 這裡是公眾地方我們不會阻礙你的工作", 我回答:"....哦(心想你現在咪阻礙我的工作...)", 都係個句...香港人真係好八卦.
影完相已經差不多四點, 接著趕到長沙灣找位玩具店店長(即早兩日交收變形金剛的seller) 去到他的shop, 果然奇多minicons, 本來打算今次都要比人放血, 因為實在太多minicons, 我估都有40 - 50隻左右, 最後買下18隻新的minicons都係不同款, 不買重新上色因我覺得有點不值, 不過埋單本來都要成$400左右, 但係佢果然係賤賣...我比錢時都有點懷疑是否聽錯..$110...算是一個大驚喜(心想早知買多d...hehe) 個seller好好人, 好好傾, 傾了很多變形金剛經, 佢重私人送多隻特別版比我, 即total 19隻minicons.
接著再行去深水涉入貨跟著兩大袋加個相機背包, 有點象回鄉探親買手信一抽二"能"的感覺, 晚上聚會後又再開始數碼黑房的工作, 把選好的keytech相片"汁"好, 再upload給他們, 再出email給他們...望一望個鐘...成兩點有多...day-off原來係重忙個開工.
至於今日都係一樣在USL不停的工作, 由於D廠做小個STEP, 就是把INNER接回才放箱, 但又趕著今日要寄出, 結果我就要人手做這一個STEP, 看一看個箱好像有很多盒, 中間好在有QC MING過來幫手, 如果唔係都唔知接到幾時至收工, 不過今日下午LUNCH時與幾位同工傾計都爆出很多笑料, 確實是今日在公司的一點驚喜.
晚上去了創意取我的婚禮用的鞋, 著過覺得幾好著, 之後再到金都取AGNES的婚紗鞋, 好靚, 晚上回女朋友家途中講及未來在那個會眾時扮著大會的樣板對答現在想起還覺得好好笑.
9.1.07
一相情願
老實講今日公司唔多野做, 不過就比發夢王激死, 做錯野咪下次小心些囉, 跟本無人話要追究, 忙中有錯好正常, 我都只係想叫你下次小心唔好犯同一個錯誤, 都未講完佢已經不停的找籍口, 好似不是他的問題, 都唔知佢點諗, 咩都唔係佢的問題, 咩都係人地的問題, 係人地針對你...!! 做咩個個要針對你? 又唔見你反省一下, 成日都一相情願, 咩都係自己覺得, 發夢王果然係"發夢"王!!
今日在公司, 有幾位女同事買了 RAIN的演唱會飛... 差不多每分鐘都聽到有人講 RAIN, 對我呢個好怕姐姐地的人來講, 救命!! 有時不太明白韓國的人是怎能接受d身形好 MAN的人但個樣好似女仔咁的人...好驚, RAIN係其中一個我好怕的人...當然人地點睇係人地的事, 我尊重佢地的睇法的...汗!!
今日差不多收工, 馬老闆帶左隻可愛的貓仔上來, 好想玩可惜隻貓好驚咁, 算啦返屋企玩自己隻貓把啦...~__~.
Boyz II Men - End of the road ( live at Japan TV Show 2006 )
BOYZ II MEN 2006年於日本的一次滿出, 唔經唔覺無聽到佢地的消息都有成十年, 突然出現番...可能近期興集體回憶, 無論咩地方都找回一些有代表性的人物出來回憶一番, 可能大家都覺得最好的日子不是現在, 而是大家都在回憶的年代!
變形金剛之大打出手??
今日不打算談工作的事, 因為都係一譚死水..."好多野做", 收工後同agnes去了金都買婚禮用的鞋, 我們買的都超出預算...算啦, 又係老土個句, 一生人一次.
去金都前去了旺角MTR交收變形金剛, 熟我的朋友都知, 只要係SMALL SIZE的變形金剛我都好願意去買, 細個無錢只能買得起 MICROMASTER, 一直 KEEP到現在, 早兩年出了極小變形系列,開始令我達到瘋狂地步, 什麼柯拍文, 大黃蜂, 星星叫, 音波等等經典GI角色全部縮晒水做2吋左右高的玩具, 重可以變形, 極之可愛, 手工極之精細, 當然繼續買下近年的 MICROMASTER及 MINICONS...所以我現在的變形金剛已經達接近200隻的數字, 看著自己的櫃已經差不多沒有位置.
為了我的200個變形金剛, 已經把心愛的 MICHAEL LAU公仔放到 HI-FI上...現在有一個奇想極小變形, MICROMASTER, MINICONS 如果它們是真的, 它們肯定已經展開搏狂兩派之土地爭奪戰. 今日交收之時, 個賣家同我講佢的SHOP還有很多舊版的 MICROMASTER及 MINICONS, 佢的SHOP將會CLOSED, 所以現家賤賣...死啦...一場2007的搏狂兩派第二次書櫃爭奪戰又將展開!!
訂閱：
文章 (Atom)
