討厭的一日

今日病, 喉嚨好辛苦, 今日在公司清basement好辛苦, 又病又要做的感覺好討厭, 而且食左藥好累, 無時無刻的想訓...收工去了紅磡食飯已經唔知做咩...我知自己好唔得..所以想早點休息, 掃了agnes行街的興, 望佢量解, 回家沖涼休息, 心情不好, 因為今日比幾個女人激親. System of A Down的音樂可以借來發洩一下.

EKLIPS - Freestyle human beatbox

一直很喜歡 human beatbox (即用人聲去模仿音樂) 而來自法國的EKLIPS的beatbox的道行肯定是能人所不能, 唔信聽過你就知咩係AAA+++的beatbox

舊屋跟我說話

上年長洲所拍的一張相片, 都是因為喜歡那種破舊的感覺, 好像有很多故事在裡面發生似的, 現在正要訴說給我們聽.

很有意義的一日

上星期接到通知, 有機會返分部幫手一日, 一直很期待今日, 所以今日一早6:30起身, 約了兩位一同回分部的同工食早餐, 之後坐MTR到分部, 一睇個鐘已經8點, 時間剛剛好, 之後開始分配工作, 我最初被安排在14號內幫身剷牆, 做到手痛...都幾辛苦, 下午與分部的弟兄們一同吃飯, 不錯的午餐, 有燒牛肉, 有很多菜, 至於甜品每人竟然有兩個, 有一個唔係好甜的apple pie, 幾好食幾o岩我口味, 因為我怕甜, 之後還有一杯vanilla雪糕...正!, 食飯其間見到很多老朋友, 見到我的第一任聖經老師, 好開心..., 下午繼續在分部工作, 可能剷牆剷到好累所以有點倦意, 好彩被安排去做另一樣的工作, 最喜歡做的...破壞!! 我意思係拆櫃, 可以盡情發洩, 通常要做拆野的工作, 我就會令自己不停想起不開心的事, 討厭的人就會令我有火去發洩在要拆的地方身上...我知係有小小變態的. 總結今日雖然辛苦, 但都是在做與耶和華工作有關的事, 感覺很好, 而且在分部工作四周的人都係開開心心咁為弟兄姊妹服務, 跟工作上那些每日帶著假面具返工的人去比, 實在有價值有意義得多.

Puff Daddy feat Faith Evans, 112 - I'll be Missing You

一隻小有令人感動的RAP作品, Puff Daddy在兄弟 Notorious B.I.G被熗殺後寫了這歌來紀念他.

麥叔叔與小朋友

一直在自己的作品內很小出現人...但這是其中一次的例外, 上年在中山旅遊時看到的一個情境, 覺得很有趣, 有什麼有趣? ......你看看他們的表情... =)

平淡的幾天...

嘩...原來已經五日無寫Blog, 可能這幾日沒有太多事想講, 只有幾件, 其一要講的係每早返公, 原本去地?站的5分鐘路程, 由於多人出入的關係起碼要用多一倍有多的時間才能到達, 對我哩個喜歡爽住去的人實在辛苦, 而且眼見很多人也很貪心, 為了要幾分不同的免費報紙(都市日報, am730, 頭條日報...等等)係不會理會其他的途人, 老實講我一次也沒有拿個免費報紙, 已經有太多資訊根本看不完, 而且上網睇新聞我覺得已經很足夠, 但係有些人似是"有我分"的心態去取多份報紙, 我知這是免費, 但是都要留意下其他人, 好人阻呀...

早在兩星期前HKPUG的william問我借了部sony mylo做review, 但係竟然隻字都無提過我的website, 雖然我知不算什麼, 但係借的時候是講明會給credit, 所以一直要他們在佢地的website內加會credit, 終於今個星期佢地都比番個鳴謝, 大家有興趣可以在這裡聽聽HKPUG的podcast聽聽我部sony mylo的聲音, 老實講review得唔好, 唔夠詳細...算啦人地的節目.

最近有一個新的商業PODCAST台會開台, 在找人合作中, 也有問過我有沒興趣玩下...有的, 但係自己時間真的有限, 不過節目內容其實已經想好, 他們的條件是最少兩星期UPLOAD到一個節目, 當然最好是一星期一個節目. OK的...我估, 當有更多資料, 確實後再同大家講.

另一件在這幾天發生的不開心事件, 其實不是我的問題, 只是有感人生太化學, 事源是台灣一名女明星 許瑋倫 死於車禍, 她在台灣算是當紅的明星, 而且只有28歲, 太年青, 真的很可惜, 不是因為她是明星, 而是感覺可惜, 太可惜.

今日送了一份禮物給Agnes, 真的感到很開心, 見她開心的笑, 那種感覺太美妙啦.