又總結超趕的一個星期

最近兩個星期都因為比較忙比較趕, 所以個blog由日記變成兩三日記再變成周記... 今個星期頭幾日都係趕到飛起, 因為很多廠都是在星期四左右便開始休息, 所以要趕晒d sample request, 星期四趕完最後一單後, 全公司就進入放假feel時期, 星期四上午食飯前出BONUS, 基本上星期四下午開始公司的人(包括我在內)都係"HEN"

星期五可以收早, 三點可以走, 就係最後一個鐘先同公司的同事講要把所有會顯的野搬開, 因為下星期六要洗地毯, 有點不是味兒, 為何總是在最後一刻至通知人, USL的公司文化其中一樣是什麼都好像秘密一樣, 咩都係最後一刻至知, 完全無預算, 就算公司放新年假放幾耐都係最後一個星期至公佈, 都唔明有咩咁秘密, 如果有人想PLAN去旅行都PLAN唔設啦. 有一次重搞笑, 話說有個客請我們公司食飯, 根本就一早知, 都唔明又係在食飯前5分鐘至同人講, 叫外買的, 帶飯的通通失預算, 終於果次我無去食, 老土到死早半日通知人有咩問題呀! D知情人士就重搞笑, 成日講兩三句出來好似知道好多野咁, 問佢係咩, 又會講現在唔講得遲點你咪知, 講起就火都來, 唔講得就咪吋兩三句料出來啦, 算點, 想人知你知好多秘密咁?

星期五三點左右走, 去左睇"門徒"一套講毒品問題的電影, 好睇, 果然係宣傳所講只有演員無明星, 算是一套精彩且有深度的港產片.